O traballo constitúe na vida dos individuos un factor de vital importancia. Ademais de permitir ao asalariado articular economicamente a súa vida, desempeñar unha función nunha empresa axuda a incrementar a autoestima ó sentirse o individuo útil no tecido social. 

Desempeñar un posto de traballo significa formar parte de todo un entrañado de relacións socio-economicas que conforman as posibilidades vitais dos traballadores. Sen embargo, cando as condicións laborais son precarias, todos estes aspectos positivos esvaécense, de aí a gran necesidade da prevención, un dos principais obxectivos do CECB.

Entendemos por prevención o conxunto de tódalas medidas adoptadas en tódalas fases de actividade das empresas coa finalidade de evitar ou diminuír os ricos derivados do traballo.

Seguindo a exposición de motivos da Lei, 31/1995 de oito de novembro de Prevención de Riscos Laborais, podemos considerar que a esencia do que entendemos por prevención atópase en: "A protección do traballador fronte ós riscos laborais esixe unha actuación na empresa que desborda o mero cumprimento formal dun conxunto predeterminado, máis ou menos amplo, de deberes e obrigacións empresariais e, máis aínda, a simple corrección a posteriores situacións de risco xa manifestadas. A planificación da prevención dende o momento mesmo do deseño do proxecto empresarial, a inicial avaliación dos riscos laborais e a súa actualización periódica a medida que se alteren as circunstancias, a ordenación dun conxunto coherente y globalizador de medidas de acción preventiva adecuadas á natureza dos riscos detectados e o control da efectividade de ditas medidas constitúen os elementos básicos do novo enfoque na prevención de riscos laborais. E, xunto a elo, complétase coa información e a formación dos traballadores dirixidas a un mellor coñecemento tanto do alcance real dos riscos derivados do traballo como da forma de previr  e  evitalos, de maneira adaptada ás peculiaridades de cada centro de traballo, ás características das persoas que nel desenvolven a súa prestación laboral e a actividade concreta que realizan".

Dende o Centro Empresarial da Construcción do Barbanza, comprometidos coa saúde laboral dos traballadores, ofrecemos a través desta páxina a oportunidade de que vostede consulte a información e lexislación de maior relevancia vixente en materia de PRL.

Se non encontra calquera aspecto da normativa que vostede desexa, póñase en contacto conosco ou consulte os seguintes links. www.issga.es, www.insht.es.